சிரிப்பு - பதிவர்களை நாய் துரத்தினால்...

நம் வலைப் பதிவர்கள் சிலரை நாய் துரத்தினால் அதற்கு அவர்கள் எப்படி React செய்வார்களென்று யோசித்ததில் வந்த வினையே இந்த நகைச்சுவைப் பதிவு. இது வரை வெறும் அரசியல் பதிவுகளே எழுதிய நான், ஒரு மாற்றத்திற்காக ஒரு நகைச்சுவைப் பதிவு எழுதியுள்ளேன். சிரிச்சுட்டு போங்க...


கைப்புள்ளை:
கைப்புள்ளையை நாய் துரத்துவதும், நாய் கைப்புள்ளையை துரத்துவதும் வீர விளையாட்டில் ஜகஜமென்பதால் சும்மா விட்டுவிடுகிறார். ஆனால், ஓடித்தப்பிகையில் அவர் முள் புதருக்குள் விழுந்ததையோ, வேட்டி காணாமல் போனதையோ ஊருக்குள்ள யாருக்கும் சொல்ல வேண்டாமென்று சங்கத்து சிங்கங்களுக்கு அன்புக் கட்டளை போட்டுவிடுகிறார்.

பொன்ஸ்:
"நல்ல வேளை, துரத்தியது நாயாக இருந்ததால் தப்பித்தோம்,
யானையாக இருந்தால் என்னாயிருக்குமோ" என்று சந்தோஷப்படுகிறார்.


குழலி:
"இந்த அபிமன்யுவை எதிர்கொள்ள என் ஏகலைவனை அனுப்புவேன்" என்று சொல்லி, தன் வீட்டில் கன்றுகுட்டி அளவில் இருக்கும் ராஜபாளைய நாயை அவிழ்த்துவிடுகிறார். துரத்திய தெருநாய் பயந்து திரும்பி ஓடிவிடுகிறது.

டோன்டு:
"சமீபத்தில் (1965ல்) செய்த போண்டாவைத்தானே அந்த நாய்க்கு போட்டேன், அதற்கு ஏன் துரத்த வேண்டும்?" என்று கேட்கிறார். அதற்கு "1965 என்பது சமீபமென்று உங்களுக்குத் தெரியும், ஆனால் நாய்க்குத் தெரியாதே" என்று யாரோ பின்னூட்டம் போடுகின்றார்கள்.

ஜடாயு:
நாயின் உரிமையாளர் யாரென்று பார்க்கிறார். உரிமையாளர் ஹிந்துவென்றால், சும்மா விட்டுவிடுகிறார். முஸ்லிமென்றால் "ஹிந்துவைத் துரத்திய ஜிகாதி நாய்" என்று பதிவு போடுகின்றார்.


பெண் போல் வலைப்பதிவு எழுதும் ஒருவர்:
நாயால் துரத்தப்பட்ட இவர், தன் வலைப்பதிவில் "நேற்று என்னை நாய் துரத்தியது" என்று ஒற்றைவரி பதிவு போடுகிறார். அதற்கு "Be careful ma", "அச்சச்சோ", "Take care di", "நாய் தப்பியதா?" என்று 368 வழிசல் பின்னூட்டங்கள் வருகின்றன.

விடாதுகருப்பு:
துரத்திய நாயைப் பார்த்து ஆந்திரா மிளகாயை விட காரமாய் திட்டுகிறார். நாய் வாலை சுருட்டிக் கொண்டு திரும்பி ஓடிவிடுகிறது.

இரவுக்கழுகார்:
எல்லோரையும் துரத்திய நாய் இவரை மட்டும் கடித்துவிடுகிறது (இதற்காக உஷாரான சிலரும் ;-), மற்றும் பலரும் சந்தோஷப்படுவீர்களென்று நினைக்கிறேன்). இரவுக்கழுகார், "நாம் நிறைய பதிவர்கள் பற்றி எழுதியிருக்கிறோம், யார் நம் மேல் நாய் ஏவிவிட்டார்கள்?" என்று குழம்பி போயுள்ளதாக கடைசியாக ஜூனியர் Kans ஸிடமிருந்து வந்த சில குறுஞ்செய்திகள் (SMS ) தெரிவிக்கின்றன.

செந்தழல் ரவி:
"பைட்டிங் செய்தால் வேலை கிடைக்காது" என்று பதிவு போடுகிறார். அதைப் படித்த நாய் துரத்துவதையும் கடிப்பதையும் நிறுத்திவிடுகிறது. :-)

(உங்கள் பெயர் இதில் இருப்பது பிடிக்கவில்லையென்றால் பின்னூட்டமிடுங்கள், நீக்கிவிடுகிறேன்...)